Як Бог рокы ділив
Є у каждого свій вік –
в кого динь, у кого рік,
в кого всього пара го́дин,
кось вікы́ тягнути годен…
Бог, як світ наш сотворив,
в нім порядок наводи́в –
бо ото як хыжу ла́диш:
раз фундамент, стіны тягнеш,
над усьим тым буде крыша,
двирі-окна…Дале ли́ше
штукатурка тай декор…
Зо́всім иншый колєнкор!..
Як ото всьо пошорив,
дны ділити всьим Ся ймив;
У шатро до Ся позвав
всьих, ко зимлю населяв.
Мошкам, птиці, звірям, рыбі –
каждому дав по потребі!..
НапослІд зайшли до Нього
Чоловік, Кінь тай Корова,
Пес, Мацур там были тоже…
Чоловікови Бог каже:
“20 років. – Мало, Боже…
З Богом спорити негоже…” —
так подумав Чоловік
и тихинько став убік…
(Бо Всевышній помінив:
“Пак докупиш, што сь хотів…”)
40 Він Коньови дав.
“Тілько бы’м ярмо тягав?
Доста 20… – Остальні
(Чоловік) продай мені!”
40 Бог дав и Корові –
20 продала небога..
30 Псови – тот 15…
З мацуровых купив (20)
половину…Типирь має,
Чоловік сяк проживає:
свої 20 – як си хоче:
всяды добре, всьо го “скомче”!..
Другі 20 вже як “кінь” –
туй забыти треба лінь!..
Як “корова” третіі 20 –
“доять” діти, домочадці!..
Дале йдуть 15 “псячі” –
сторожи всьо, небораче,
што як “кінь” ‘ись заробив!..
Коли вты рокы прожив –
“мацурячый” вік иде…
Туй уже як повезе:
вать “по шерсті” тя погладять,
вать из хыжи попровадять…
P.S.
Не проси собі чужоє,
бо й життя буде такоє…
Бабинець Ю.Ю.
Автор публікації
Хтось злий на мене все забрав
(хіба життя ще взя́ти?)...
Нато́мість Бог у дар послав
уміння римувати!
От і пишу я все підряд,
у око що упа́де -
і жарт, і лірика у ряд...
Читайте - це про ме́не!
Достижение получено 20.09.2021
Присвоюється автору, який подав на сайт 100 і більше публікацій
Достижение получено 17.07.2021
Титул: Небайдужий читач
Присвоюється користувачу, який оцінив 50 і більше публікацій
Яскравий коментатор
Достижение получено 22.08.2021Титул: Яскравий коментатор