Золота осінь
– Йди зогрітися до хыжи,
зрана доста студено…
Розпалив котел папаша,
вбы по трубах йшло тепло –
стылый воздух “перебити”…
А погодка:
– Йди надвір!
В компі, у ФБ сидіти?
Буде час на вто, повір…
Кой поллю́ть дощ студені,
Стане, ги кой дзвін, земля,
кой дерева ся “роздінуть,
сніг приле́тить (ву-а-ля!)
Надворі пурпу́р тай охра
красять всьо в свій градієнт!
Вітамін “D” посылає
сонце щи…Лови момент!
Яблоко висіти впстало?
Не лінуйся, ай зорви!
Зелень з грядкы на приправу,
пуд оріхами пройди́…
Бо зима не в гості при́йде,
ай з ревізійов ануш!..
Вбы пак не “кусати локті”,
не сиди типирь, ай руш!
Бабинець Ю.Ю.
Яскравий коментатор
Достижение получено 22.08.2021Титул: Яскравий коментатор