Што покладе́ Микола ми в топанок?
Біґарь?..Та вроді я ся справовав…
Печеньку-снікерс-мандаринку у подарок?..
Святому ж я письмо не написав…
Бо и писати…Пошта наша туго ходить –
напишу ннись му, а коли дійде́?..
Нє, най Микола нич ми не прино́сить!
Попро́шу го, усьим най принесе́
Мир (в першу очерєдь!) – його нам дуже тре́ба! –
воронкы де, вбы колос на полях…
И ка́ждому , што просить (по потребі!)
здоровля, щастя й усміх на губах!..
Я знаву, што й мене він не забуде
и не мине, хоть я му не писав;
И ве́чером, у сні до ня прибу́де…
Увижу рано, што в топанок ми покла́в…
Што принесе́, я зра́на вам напи́шу
(тай вы діліться, што покла́в кому́!)…
Посла́ння втуні ани є́дно ся не ли́шить
Бажання збу́дутся – пуд силу вто йому́!
Бабинець Ю.Ю.
Думок на тему “В очікуванні дива.”
Дуже гарно!