Для голосування необхідно авторизуватись

Бумеранг

БУМЕРАНГ

Давно вто было…Пращур дикый
за звірями из біґарьом*
ганяв…Бо, сиґінь** ,быв голодный…
Давалося ото з трудом…
Бо за́дує***, в ціль не попа́де…
Пак бігай, глядай тот біґарь…
А homo (йсе вам кажу точно!)
нащот “побігати” лынґарь…
“Поїсти-упити” — ото вже,
ги кажуть “другий колєнкор”…
Быв homo sàpiens’ом майже…
Придумав си такый прибор…
У хащу за дрывами близко
пішов наш пращур (мав огинь)…
Збирав усяку суху різку…
И навновав…И сів на пинь…
Як удпочив, д пещері вертать,
из іскры розпалив огонь…
А мняса — на рожен издіти —
ниє в пещері котрый динь…
“Ити на вадаску****? Западло́ вп’ять…
(за біганину ‘им казав) –
Што бы такого взять-придумать,
бїґарь вбы в руку ся вертав?”…
Было кривоє,ги невоя
(хыба го веречи в огинь?)…
“Рожен? Стріла яка из нього?” –
гадав так homo цілый динь..
“Не тітка голод!” — ото точно…
“Є! Евріка! Уже’м поня́в!
Як учинити,обы чудно
біґарь у руку ся вертав!”
И, як весло,взяв…обтесав го
з обох боків…Уд себе вер…
“Оно”полетіло…По кругу
назад у рукы ся припер!..
Вповів’им “уін”?..Бо каже homo:
“Буде́ му бумеранг имня!
А файно літать! Из желізом
возьму го на вадаску я!”…
Стоп! Нєт! Желізо — вто щи скоро,
за нього homo щи не знав…
Мав острый камінь…Вто май споро,
ги наконечник,прикріпляв…
Усяка птиця, всяка звірька, –
каждый динь поживу мав!
Тот бумеранг,ги самобранка,
усьо на стіл му доставляв!..
И туй така лафа настала!
(бо то шашлик,то бешбармак)…
Розжи́рів фест наш homo…Сало
онь по боках звисає…Пак
бігати уже не треба
(кіть в ціль “біґарь” не попадав)
У homo лишь єдна потреба:
слідити,як назад вертав,
обы в келю*****х ти не попав
Бо на “весловы” камінь острый –
зовсім не фіґлі,кажу вам!..
А homo (хоть и быв розумный),
якраз на сьому маху дав!
Бо загордився “нюх утра́тив”…
Забыв,што на́зад прилетить,
ото што сієш…Та й ухопив…
И на зимли мертвый лежить…
Мораль у сьої казкы про́ста:
кіть сієш зло у світі сьому, –
усьо ти верне карма жостка,
ги бумеранг тот…Та й по всьому******…

Бабинець Ю.Ю.

Словник:
*дрючок
**нещасний
***кине
****полювання
*****живіт
******кінець

2

Автор публікації

Офлайн 23 години

Юрій Бабинець

366

Усякі теми до снаги мені -
життя, воно ж неначе пісня!
Часом веселі, іноді сумні -
бо розділилося на ДО та ПІСЛЯ...

Коментарі: 67Публікації: 105Реєстрація: 18-06-2021

Золоте перо

Достижение получено 20.09.2021
Присвоюється автору, який подав на сайт 100 і більше публікацій

Яскравий коментатор

Достижение получено 22.08.2021

Титул: Яскравий коментатор

Присвоюється користувачу, який прокоментував 50 і більше публікацій

Небайдужий читач

Достижение получено 17.07.2021

Титул: Небайдужий читач

Присвоюється користувачу, який оцінив 50 і більше публікацій